Hallo Speedis
Ich bi dr Leandro Gross und ich bi am 12.11.2006 mis erschtä Rennä gloffä. Ich bi am Römerlauf ( Augusta Rauricalauf) als jüngschtä Teilnähmer unterwägs gsi. Ich ha nur dörffä starte will ich uf dr Finnebahn zwei Runde ohni a halte als Training gsprunge bi. Jetzt isch es äntlich so wit. Dr Papa het Startnummere gholt und d Mama het si a gmacht. Dr Speaker seit no 2 Minute. Ich bi gar nid närvös. Im Gegesatz zu minere Begleitig.
Grad rächtzytig trifft no mi Fanclub i. D Chantal, dr Jann und dr Markus chömme mir no cho viel Glück wünschä. Jetzt gohts los. Dr Flavio zischt drvo und ich beinelä hindedri. Am Afang gohts grad richtig bärguf. Ich bi guet unterwägs, ohni Sittestäche oder Atemnot. Jetzt heisst s Tempo halte und mit grosse Schritt richtung Ziel. Ich ghör dr Speaker, gseh scho s Zielband, Ändspurt. Juhui gschaft. E ganze Kilometer ohni ei Schritt laufe.
Im Ziel bechumm ich e ächti Medallie a ghängt. Dr Maa am Ziel meint „guet gmacht mit 5 Joohr“, wenn dä wüsst, dass ich in zwei Wuche drei wird. Hi hi hi.
Nachem Becher Rivella und einige Löösli gohts wider an Streckerand. Jetzt startet d Elite, unter anderem dr Jann und dr Markus.( Übrigens kei Datasport Rennä.) Si müen 12 km springe. Wow, dass würd ich au gärn e mol mache. Sie sind guet ans Ziel cho. Super gmacht Jungs.
Also wär mi und unseri Lauf – Speed – Inliner gseh will, dä muess am 3. Dez. ans Grätimaa Renne cho. Bis bald.
Vieli liebi Grüessli dr Leandro
