|
|
|
 |
|
|
 |
 |
 |
 |
 |
| « Zur Schweizerkarte 2007 » |
|
|
 |
 |
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
SIC Einsiedeln
De SIC Einsiedle esch wägem Wäuttheater vomSamschtig-Obe of de Sonntig-Morge verschobe worde. Was so eifach tönt, het doch rächti Uswörkig!Am haubi sächsi - ned z’vergässe, es esch Sonntig, - tschäderet mi Wecker – Ziit för es Power-Müesli muess ou no si.
En Stond spöter tuckeri metem Zog Rechtig Einsiedle.Wöu dä jo weiss wo dore, chani gäbig nochli pfuse.Das i am Ziel acho be, verrotet schnäu s’schwarz-gäle Jäggli. Gli öberau es hallo.Aber wo esch denn do die versprocheni Sonne. Bereits rägnets weder.
Nochem Nommere fasse loufi denn meteme Schärli zom „Basilisk-Lager“ bem Parkplatz. Es get grad es nätts Iloufe.
Zähni nöchet ond somet ou de Start. Die bekannti Nervosität esch ou weder do.
No be Annette, Brigitte ond Christine en Gedanke-Ustusch ond denn knallts.Nochem Start esch grad mou en rächti Stiegig,wo d’Annette hender mer störzt.I ha aghaute ond mi vergwösseret, das nüt passiert esch. Zögernd – schliesslech esches es rönne, beni witergfahre, sorry Annette. De grad en längzogni Abfahrt, schön Teammässig abe,wow. De Schwong hani wonderbar wöue usnötze. Nome het de Petrus vorhär no gfüechtet. Lenks ond rächts of de Stross esches nass, demfau gletschig - auso ab dor d’ Metti. Det het aber e Buur sini Dräck-Böle lo gheie (esch äuwä kei Inline-Freak). So en Mescht.
Vo hende gets Komplimänt, weni trotz messleche Verhäutnis kräftig abdröcke. Jo härzleche Dank. Mer send ou emmer chli of Oeberhoukors gsi. Das lange Afüehre het mi doch zömftig Chraft kostet. I ha de es Team müesse lo go ond s’nöchschte esch ned grad in Secht gsi. So hani för min Gschmack de grad echli lang elei gäge das fine Wendli chönne kämpfe.Ergendwie hani doch das Rönne scho mou chörzer in Erennerig gha!
Vele Dank för’s aführe em Zielilouf, het mi buechstäblech is Ziel treit.Nochem Tenuewächsu het de chräftig Sonneschyn em Village no zo Pasta ondgmüetlechem Zämesi iglade. Doch grad öppe so lang, bes aui Basiliske d’Mage-wänd gfeut händ. De hets us chöble afo abeläre. Sogar ondereme Knirps (Schirm) chöme vier Basiliske troch devo.
Härzleche Dank nomou för’s heifahre, Patrick ond Annette.
Irène Plüss
PS: Bei Verständnis-Schwierigkeiten liefere ich gerne die Uebersetzung
| « Zur Schweizerkarte 2007 » |
© s-i-b / realisiert durch horizon|media / in-team / impressum / sitemap / bookmark erstellen / |
2007
